Amedspor derdikeve maça xwe ya yekem a dervederiyê li Süper Lîgê. Kesk-sor dê di hefteya 2yem a lîgê de, êvara Duşema 24ê Tebaxê saet 21.30 li Stadyuma Kocaeliyê bibin mêvanê Kocaelisporê.
Her du tîm hefteya yekem bi rewşên derûnî yên cuda qedandin. Amedspor li malê Erzurumspor bi 3-0 têk bir û bû seroka lîgê, lê Kocaelispor li derve li hember Başakşehirê 2-0 winda kir û hefte bê pûan qedand. Li serê tîma xwedîmal Selçuk İnan heye.
Li Amedsporê amadekarî tam piştî maça yekem dest pê kir. Heyeta teknîk piştî ku rewşa kondîsyona lîstikvanan a piştî maça vekirinê nirxand, derbasî xebatên taktîkî yên ji bo dervederiyê bû; tetbîqat dê di tevahiya hefteyê de berdewam bike.
Dervederî ji bo tîmên nû derketine, ceribandina rastîn a lîgê ye. Amedspora ku li ber çavên temaşevanên xwe bi hêz dest pê kir, vê carê bi sedan kîlometreyan dûrî Amedê, li hember tribûneke tije dê bilîze. Ji bo tîma ku dixwaze seroktiyê bibe hefteya duyem, vegera bi pûan ji Kocaeliyê armanca yekem a berbiçav e.